Foydalanish shartlari

Bu shartlar Jaxongirman mobil ilovasi va jaxongirman.app saytidan (keyingi o‘rinlarda — «Xizmat») foydalanish qoidalarini belgilaydi. Xizmatdan foydalanib, siz shu shartlarga va Maxfiylik siyosatiga rozilik bildirasiz.

1. Akkaunt

• Xizmatdan 13 yoshdan boshlab foydalanish mumkin. 16 yoshga to‘lmagan bo‘lsangiz, ota-onangiz yoki qonuniy vakilingiz roziligi kerak.
• Ro‘yxatdan o‘tishda to‘g‘ri ma’lumot kiriting. Akkaunt shaxsiy: uni boshqalarga bermang va kirish ma’lumotlarini sir saqlang.
• Akkauntingizdan bajarilgan harakatlar uchun o‘zingiz javobgarsiz. Begona qurilmani Profil → Sozlamalar → Qurilmalar bo‘limidan chiqarib yuborishingiz mumkin.
• Bepul boshlang‘ich imkoniyatlar bir shaxsga bir marta beriladi. Ularni qayta olish uchun bir nechta akkaunt ochish taqiqlanadi.

2. Xizmat nimalarni taklif qiladi

Sun’iy intellekt yordamida taqdimot, ilmiy va mustaqil ish, himoya matni va o‘yin savollarini tayyorlash; taqdimotni telefondan boshqarish; so‘rovnoma orqali ma’lumot yig‘ish (Ma’lumotlarni yig‘ish moduli); jonli bilim o‘yinlari (O‘yingoh); foydalanuvchilar o‘quv materiallarini joylaydigan do‘kon. Xizmat tarkibi vaqt o‘tishi bilan o‘zgarishi mumkin.

3. Sun’iy intellekt yaratgan kontent

• Matn, savollar va rasmlar avtomatik tayyorlanadi va xato, noaniq yoki eskirgan ma’lumotni o‘z ichiga olishi mumkin.
• Natijani ishlatishdan oldin faktlar, raqamlar, sanalar va manbalarni o‘zingiz tekshiring. AI natijasi kasbiy (huquqiy, tibbiy, moliyaviy) maslahat emas.
• Slaydlarga qo‘yilgan rasmlar ochiq manbalardan (Unsplash, Wikimedia Commons va boshqalar) olinadi va o‘z litsenziyalari shartlari bilan ishlatiladi.
• Sun’iy intellektdan qonunga zid, kamsituvchi yoki boshqalarning huquqlarini buzadigan kontent yaratish uchun foydalanish taqiqlanadi.

4. Akademik halollik

Xizmat o‘qish va ishlashga yordam beradigan vosita. Ta’lim muassasangiz qoidalariga rioya qilish sizning zimmangizda: AI yordamida tayyorlangan ishni qoidalar ruxsat bermagan joyda o‘zingizniki sifatida topshirmang, foydalanilgan manbalarni ko‘rsating, matnni tekshirib, o‘z so‘zlaringiz bilan to‘ldiring. Akademik qoidalarni buzish oqibatlari uchun Xizmat javobgar emas.

5. Sizning kontentingiz

• Siz yaratgan va yuklagan kontent sizniki bo‘lib qoladi. Xizmatni ko‘rsatish uchun (saqlash, qayta ishlash, siz tanlagan odamlarga ko‘rsatish) undan foydalanishga ruxsat berasiz.
• Yuklayotgan materialingizga huquqingiz borligiga ishonch hosil qiling.
• Taqiqlanadi: qonunga zid, zo‘ravonlik yoki nafratga undovchi, pornografik kontent; boshqalarning mualliflik huquqi bilan himoyalangan asarlari yoki shaxsiy ma’lumotlarini ularning roziligisiz joylash; zararli fayllar.
• Shartlarni buzgan kontentni yashirish yoki o‘chirish huquqimiz bor.

6. J Tanga

• J Tanga — Xizmat ichidagi hisob birligi. U bilan Xizmat ichidagi imkoniyatlar (masalan, taqdimot sahifalari, o‘yinlar, hujjatlar) uchun hisob-kitob qilinadi. Har bir amal necha J Tanga turishi uni bajarishdan oldin ko‘rsatiladi.
• J Tanga pul, elektron pul yoki to‘lov vositasi emas: uni naqd pulga almashtirib yoki hisobdan pul sifatida yechib bo‘lmaydi.
• Tarif bilan berilgan J Tanga bir oy amal qiladi. Tarif muddati tugashidan oldin yangilansa, qolgan tangalar keyingi oyga o‘tadi; yangilanmasa, kuyadi.
• Tarif bilan berilgan J Tangani boshqa foydalanuvchiga o‘tkazib bo‘lmaydi. Boshqa J Tangani boshqa foydalanuvchiga o‘tkazish mumkin; amalga oshirilgan o‘tkazma bekor qilinmaydi.
• Taqdimot yoki boshqa natija tayyorlanmay qolsa, buning uchun band qilingan J Tanga avtomatik qaytariladi.
• Akkaunt o‘chirilganda qolgan J Tanga balansi ham bekor bo‘ladi.

7. Do‘kon

• Sotuvchi joylagan materialga (fayl, taqdimot, o‘yin) huquqi borligi va tavsif haqiqatga mosligi uchun javob beradi.
• Mahsulotlar moderatsiyadan o‘tadi; qoidalarni buzgan mahsulot yashirilishi yoki o‘chirilishi mumkin.
• Platforma har bir sotuvdan komissiya oladi; sotuvchiga tegishli ulush hisob-kitob qilinib, unga to‘lanadi.
• Xarid qilingan materialdan shaxsiy va o‘quv maqsadlarida foydalanish mumkin. Uni qayta sotish yoki ommaga tarqatish taqiqlanadi.
• Raqamli mahsulotlarni qaytarish qoidalari Qaytarish siyosati sahifasida.
• Qoidabuzar mahsulot haqida ilova orqali shikoyat qilish mumkin.

8. O‘yingoh

• O‘yin tashkilotchisi o‘yin mazmuni va o‘tkazilishi uchun javobgar.
• Ishtirokchilar taxallusi va natijalari umumiy ekranda ko‘rinadi. Haqoratli taxallus ishlatmang.
• Tashkilotchi g‘oliblar uchun J Tanga mukofot qo‘yishi mumkin. Mukofot o‘yin boshlanishida tashkilotchi balansidan band qilinadi va oxirida g‘oliblarga beriladi; o‘yin bekor qilinsa yoki tugamay qolsa, tashkilotchiga qaytariladi.

9. Ma’lumotlarni yig‘ish (so‘rovnomalar)

• So‘rovnoma yaratuvchisi respondentlar ma’lumotlari uchun javobgar: faqat kerakli ma’lumotni so‘rang, respondentlarga nima uchun yig‘ayotganingizni tushuntiring va O‘zbekiston Respublikasining shaxsga doir ma’lumotlar to‘g‘risidagi qonunchiligiga rioya qiling.
• Javoblar so‘rovnomada belgilangan muddat o‘tgach avtomatik o‘chiriladi. Undan oldin yuklab olingan XLSX yoki CSV fayllar uchun yaratuvchining o‘zi javobgar: ularni xavfsiz saqlang va keraksiz bo‘lganda o‘chiring.
• Haqoratli, aldovchi yoki qonunga zid so‘rovnomalar yopilishi mumkin.

10. Taqiqlangan harakatlar

• Xizmatni buzishga, himoyasini aylanib o‘tishga yoki boshqa foydalanuvchilar ma’lumotlariga kirishga urinish.
• Xizmatni avtomatik vositalar bilan ommaviy so‘rovlarga ko‘mib tashlash yoki undan ma’lumot yig‘ib olish (scraping).
• Limitlar va bepul imkoniyatlarni aylanib o‘tish.
• Boshqa shaxs nomidan harakat qilish.

11. Javobgarlikni cheklash

Xizmat «boricha» taqdim etiladi. Uning uzluksiz va xatosiz ishlashini kafolatlay olmaymiz. Qonun ruxsat bergan doirada AI natijasidagi xatolar, ma’lumot yo‘qolishi yoki bilvosita zararlar uchun javobgar emasmiz. Muhim fayllaringizning nusxasini o‘zingizda saqlang.

12. Akkauntni to‘xtatish va o‘chirish

Shartlar buzilsa, akkauntni vaqtincha yoki butunlay bloklashimiz mumkin. Siz akkauntingizni istalgan vaqtda ilovada o‘chirishingiz mumkin — Akkauntni o‘chirish sahifasiga qarang.

13. Shartlarning o‘zgarishi

Shartlar o‘zgarishi mumkin; yangilangan matn shu sahifada e’lon qilinadi va pastdagi sana o‘zgaradi. O‘zgarishdan keyin Xizmatdan foydalanishda davom etish yangi shartlarga rozilikni bildiradi.

14. Qo‘llaniladigan qonun

Ushbu shartlarga O‘zbekiston Respublikasi qonunchiligi qo‘llaniladi. Nizolar avvalo muzokara yo‘li bilan hal qilinadi.

15. Bog‘lanish

• Ilovada: Profil → Yordam markazi → «Yangi murojaat»